Maheiroi Hatpa Mioising Cheirak Pigadabani ↠ Naorem Tanoranjan

SSUM News:

More Points: (Lairaba mithok leijadaba emunggi machani haina tamthina otpiraga neihatkhibani, Miyamda kaa henna awaba cheitheng pigadaba mawonggi khongjangdi changsindanaba hotnagani, School boarding amadi authority na maral kupsinba yanaba mioi khunek thamliba ehou asigi meirikna chongba soiroi, Post Mortem Report matam yeithaba sukya yaroi numit 3 nigi manungda report miyamda khanghangadabani, Tuition fees kharagidamak maheiroi hatpa ngamba mioibagi wakhal natte, sen kharana maheiroi amagi punsidagi henna lumna louba amadi hattoklaga senna mantiknabasu oithokloi, chennabasing chap chaba cheirak pigadabani)

   Source: NewsToday

 Langol Game Village Zone-II da leiba Residential Kids Care School da 2012 tagi tamkhiba Bishnupur Toupokpi Canel Mapal ward no. 2 dagi maheiroi Tongbram Suresh @ Malangba leikhidabagi matangda maral leiba pumnamak athuba matamda maralgi matung enna mari leinabasingna cheirak pigadabani haina Socialist Students' Union of Manipur -SSUM gi publicity secretary Naorem Tanoranjan na fongdorakli.

 Misi asigi matangda Socialist Students’ Union of Manipur (SSUM) na thijillubagi matung enna emung manunggi maikeidagi phongdorakpada, Tongbram Suresh 2012 tagi Residential Kids Care School da leiduna mahei tamlakkhibani. Adubu maheiroi asi tuition fees pide haiduna otpi neibiraba matungda tha asigi tang 26 gi numidang pung 08:30 rom tarakpada yumda thillaklamkhi masigi matung nongallaga leikhidabani hairi.

 Amaromda SSUM na school aduda chattuna thijilluba matamda School gi maru oiba mioising police na loukhatkhre haina leiramkhide. Oja amana hairakpada maheiroi ashi 2012 tagina 2014 phaobadi school da lairik tamlammi hairi. Adubu 2015 dagidi tamdare hairakhi. Maduda SSUM na attendance amadi register record yengge haiba matamda police loukhatkhre haina khumlakkhi. Tongbram Suresh ti maheiroi mayam leinariba boarding gi kada leihande haina phongdorakkhi. Tonganna principal gi mayumgi nakanda sadokpa kaa amada leihallamkhi amadi phamung tharamdabana leibak makhada tharaga tumhanbagi khudam changdam phanglakkhi.

 Ashigumlaba yamna tamthiraba thoudok ashibu lairaba maheiroi singgidamakta leiriba Socialist Students’ Union of Manipur (SSUM) na taraina khak louba ngamloi. Maheiroi ashina leikhidriba asi yamna chingnaningai oi. Thoudok asina maram oiduna school amadi boarding gi mari leinaba authority sing maral leite haina louba khak ngamloi.

 Tuition fees pide haidunabu maheiroi amabu mioibagi minungsigi wangmada  tamthina otpi neibiraga siramdaida khutsinnaba haibasi lairabagi macha masusingbu karisu leitana khanbani. Lairabagi thawaibudi senna henna lui haina khanbani. Masigi mayoktata chap chana Socialist Students’ Union of Manipur (SSUM) na thengnagani amadi lepkani.

 Amaromda maheiroi ashigi post mortem bu numit taretni ngaiyu haiba wapham asi SSUM na yaba ngamloi. Ngasi tang 30 dagi tharaga numit humnigi manungda post mortem gi report miyamda khanghangadabani.

 Tsengna thoudok asisu Manipur Govt School kaya leingakna mityeng changbiramlaba, aphaba mahei tamphamsang oina leihallamba taragadi ngasi thokliba thoudok asisu thoklamdaba yai. Manipur Govt. School phattaba maramna lairabasu lairana mama mapa oibasingna machabu aphaba mi ama oihan-ningmanbadagi leita leita private school singda thaduna tamhannari. Sen thumgi matangda khudongchadaba kaya leibadagi khudongthba thoudok kaya nangli amadi thoudok asimaksu thorakli. Maramsina Govt. School sing leingakna mityeng changgadabani.

 Asigumlaba thoudok asi matung amuk hanna thoktanaba misi asigi matangda  School gi founder amadi chennariba mioi pumnamak mari leinabasingna chap chaba cheirak pigadabani. Karigumba SSUM na thamliba wapham asi thabakta onthoktrabadi Socialist Students’ Union of Manipur na emung manungga, JAC, miyam amadi maheiroisingga loinana akanba khongjang kaya changsillaklagani haina Tanoranjan na fongdorakhi.

Facebook Post, Click Here View △