Lairaba maheiroi singgidamakta yaiphanaba changsillakpa khongthanggi sarukki manung channa Socialist Students Union of Manipur (SSUM) na handak Manipur leingakta miyam khangna thamkhiba amadi leingakta thabak oina pangthokpiraknaba pukhatlakkhiba wapham ayeeba oina Memorandum ama Education Minister, Education Director amadi mari leinabasingda pisinduna khanghankhre.
Maheiroi lup asina miyam khangna amadi leingakta ayeeba cherol memorandum da pankhiba loinana pukhatlakkhiba waphamdi, maru oina lairaba maheiroisingna tamliba leingakki mahei tamphamsang kayada leingakna amadi mari leinabasingna mityeng changdabadagi sothaduna leiriba kaya asibu phagatlaknaba August 10 phaobagi manungda Manipur Government School singda ojasinggi oina Biometrics Attendance System hapkatlu amadi chatnahalu, Manipur Government School kayada wattuna leiriba ojasing athuba matamda hapkadabani, Government Oja gi machasing Government school singda lairik tamhannaba anouba policy ama semmu amasung leingakna awat apa kaya leiriba Government school singda mityeng changduna awat apasing mengkhatlu haiba waphamsing asini.
Karigumba August 10 phaobagi manungda SSUM na miyam khangna leingakta thamkhiba waphamsing asibu chap chana thabakta onthoraktrabadi mathang numittagi SSUM ga loinana maheiroising amadi miyamga punna democratic oiba mawongda akanba khongjang kaya changsillagani haiba miyam khangna leingakta thamkhiba wapham asi pisilliba memorandum aduda chap chana waphamsing thamkhi.
Nakal amaromda SSUM na changsillakliba khongthang asiga mari leinana tongan tonganba school college ki mapung oiriba maheiroisingga punduna meepham amasu pangthokhre. Meepham aduda SSUM na changsilliba khongthang asibu maheiroi kayana sougatkani haina phongdokpaga loinana khongthang asigi marmada henna kupa khanna neinakhi.
SSUM gi khongjang asida meeyam amadi maheiroisingna pibiningba suggestion adumak pibiyu amadi khongjang asibu khunai asigi maheiroising amadi miyamna henna sougatpiduna amadi mateng pangbiduna mapung phaba, mai pakpa haibadu oihanbinabasu haijari.
No comments:
Post a Comment