Leingakki Mahei Tamphamshang-singda Mityeng Changlagani

  Press Release:

              Lamdam ashida leiriba leingakki mahei tamphamshang kaya ngashi ngashimaksu leppa leitana mangtharakli. Adubu mangtharakliba kaya ashi mapung phana semkatnaba leingakki mahei tamphamshang kaya ashibu amuk hanna phagathannaba thourang paikhatpa
mathou tare.

Ngashi eramdam ashida lanaigi loishang kayada tamba ngamjadaba, tamluragashu awaba potlum kaya thangkatkadouri ba maheiroi kaya leingakki mahei tamphamshang kayada tamba mathou tari. Adubu lamdam ashida leiriba leingakki mahei tamphamshang kaya houjik oiriba phibam asidagi henna asum-asum sitharakpa taragadi tunggi yumbirel oirakkadaba achangba maheiroi kaya lairik tamba ngamdabadagi khanguthakta tokkhiba yabagi akiba leire loina loinana ngashi ngashimaksu khunai ashida lairaba maheiroi kaya lanaigi loishang kayada tambadagi mama mapa oiribashingda chaoraba potlum kaya hapkatlaktuna leiri. Ashigumlaba kaya ashina maram oiraga leingakki mahei tamphamshang kaya ashi phagathanduna maheiroishing amadi lairaba emung-manunggi maheiroi kaya adumak komna, mapung phana mahei tamnaba khongthang loukhatminaba mathou tai.

Socialist Students Union of Manipur na thorakliba amadi lup ashida yaoriba maheiroi thoumising pumnamak lairabana esa-esada awaba, pendaba kaya thengnajabadagi thokcharakpa oibana maru oina ngashi lamdam ashida leiriba lairaba maheiroi singgidamak khallaga eikhoina khongpham chetna leplagani.

Government of India na maru oina lamdam ashidasu lairaba maheiroi kayagi yenglaga leingakki mahei tamphamshang kayada mityeng changbiduna khudong chaba kaya pitharakkhi amadi ngashi phaoba pitharakli. Adubu ashigumlaba kanaraba, lairaba maheiroi singgidamak khallaga thadarakpa kaya lamdam ashi yourakpada ayambadi mathong maram khangdana mangkhi amadi mioi kharagi phurikhaoda changkhi loinana heinathokki. Masigumba thouwong ashidi tashengna maheiroisinggi phangpham thokpa haksing adu matpani amadi Indian Constitution gi manung channa Article 21A da yaoriba RTE act 2009, The Right of Children to Free and Compulsory Education bu khonggoinabani haina maheiroi lup ashina loudaba ngamloi. Amaromdana leingakki mahei tamphamshang kharana mari leinaba kayana mityeng changbidaba amashung yengsinbidabagi thouwong kayasu leiribani.

Ashigumlaba khudong chadaba amadi awat apa kaya ashina maram oiduna leingakki mahei tamphamshang kaya leppa leitana sitharakpada nattana maheiroi amadi mama mapa kayada awaba cheitheng kaya piri.

Maram ashina Socialist Students Union of Manipur (SSUM) maheiroi lup ashigi ahanba khongthang oina lamdam ashida leiriba leingakki mahei tamphamshang singda awat-apa leiribashing, kari karamba maongda lairik takpi tambiri, karamba phibamda leiri, maheiroisingda kari kari khudongchaba piri haibanachingba kaya khangdoknaba amadi awat apa, asoibasing leiramlagashu phagat hannaba amashung chumthoklaga leingakki aphaba mahei tamphamshang amamam oihannaba pandamda lup ashigi maheiroi thoumisingna yengsin khongchat chatpa houjaragani. Mashida mari leinaba kayana amashung miyamna aphaba mari, co-operation pibiduna mateng pangbiyu haina SSUM gi maheiroi thoumisingna nolukna haijari.

Read  Facebook ➵ Click Here