Oja Kharadi Masagi Mathou Khanglamdare; Manipur Government ki Thouwongga Chap Manare

Press Release:

    Lamdam ashida leiriba leingakki mahei tamphamsang sing mutharaklibasing asi phagathannaba Socialist Students’ Union of Manipur (SSUM) na changsillakpa khongthanggi saruk ama oina  Bishnupur District ki manung channa leiba Mukta High School da yengsin khongchat ama chatkhre.

     Mukta High School asida punna maheiroi 200 henna tamli. Utilised oja 3 tharaga punna school asida oja 11 kahktamak leiri. Henna ngaklibadi class VI tagi X phaoba leiriba mahei tamphamsang asida supnatagi utilised ojasu punsillaga oja 11 khaktamak leiramliba asini. Oja 11 asina matou karamna school asibu chalairamgani amadi maheiroisingbu karamna mapung phana lairik takpiramgani khanbada chamamnaba amadi mipaiba pokee. Amana amuk SSUM gi thoumisingna oja singgi attendance sheets check touba matamda numit aduda oja kharadi soi touramba matamda pung 12:30 tadringei nganna chatkhraga attendance sheets tana pung 2:30 da halli haina soi touramba hakthengnana thengnarakkhi.

     Amaromda School asigi maheiroisingna maiyoknariba awaba khudongchadabasing lup asigi thoumisingda phongdorakpada, leingakna pigadaba matengsing matam chana pidabana khudongchadaba kaya mayoknei. Lairik takpiba tambibagi process yamna sathina taple. Subject teacher leiraktaba, lairik takpinaba oja awatpagi awatpa ngakta ngairaba maramna kham thengna maheiroising ware. Areiba Oja singgi maraktasu chang naina lakpidaba, school laklagsu class toubiramdana nganna hankhiba, lairik ningthina toubidaba kayasina chahi tangkhai chansillaklaba phaoba lairik ayamba lesson ama anidagi hendana leiri. School sooti  pung 2:30 da thagadaba adusu akaknaba matam leitare. Maramdi oja watpa amadi areiba Oja singnasu ayamba matamda class toubidaba maramna thaningba matamda nganna nganna sooti thadokle. School library leirabasu so lonsiduna thamba maramna maheiroising library changba phangdare. Computer class ningthina toudabata nattana maheiroising computer paibagi khudongchaba leitare. Ayamba class manungda fan pandaba maramna maheiroising kalenthagi matamga oibana class manungda lairik tamba ngamdare haina maheiroisingna yamna pendaba amadi nungaitabaga loinana phongdorakkhi.

     School ojasing numit asida oja amadagi henna leiramdaba maramna hakthengnana oja singga unabadi phanglakkhide. Adubu thengnarakpa oja amana phongdorakpada,

Oja suna ningthina thamdaba, oja 11 khaktana takpi tambiba maramna mapung phana maheiroisingda lairik takpiba ngamdre. Mari leinaba Manipur Government ki authority singna school singda toina inspection chattuna awat apasing yengsinhanba pammi. School gi oja thabirakpa matamda locality oiba ojasing loubiba amadi thabirakpa pammi. Maramdi lam arappadagi oja sing lakpada lamdam asigi situation phattaba amadi lambi lamdang chadaba maramna khudongchadaba kaya mayoknei haina phongdorakkhi.

      Matang asida SSUM na thamjaningba waphamdi school asida oja oibiriba singgi maraktagi oja kharana school asigi maheiroisingbu lairik takpiba tambibagi mahutta school phajana laktaba amadi school laklabasu lairik takpidana chatkhriba, chang naina lairik takpiramdaba asidi tashengna ngaktaba ngamde. Asigumba thouwong asida maru oina lairaba maheiroisinggidamak leiriba SSUM lup asina lumna loudaba ngamloi. Oja singna tunggi yumbirel oirakkadouriba maheiroisingbu ningthina lairik takpi tambiyu amadi achangba maheiroi amamam oinaba angamba thakta hotnabiyu haijari.

      Amaromda ashigumba maru oina lairaba maheiroisinggi mahei tamphamsang oiribasing asida leingakna hanna yengdaba manba mawong asi Socialist Students’ Union of Manipur na taraina khak loude. Class X phaoba leiba school amada oja kharakhak thamlaga maheiroi kaya lairik takhangani khalliba amadi awat apa kaya hanna yengsinbidaba mawong asidi ngaktaba ngamde. Leingakki school sing ningthina yengsinbiba haibasi Manipur Government ki mathou ama nattabara? Loirakpada thamjariba waphamdi athuba matamda asigumba phibam chadraba leingakki mahei tamphamsang kaya asibu mari leinabasingna mityeng changbiyu.

                                                                              Naorem Tanoranjan

                                                                             (Publicity Secretary)

                                                               Socialist Students' Union of Manipur, SSUM

                                              Read Facebook ➵  Click Here