Kumbi Govt. High School da Yengsin Khongchat Chatkhre; Leingakna Mityeng Changbiramdare

 Ojana lairik takpidabadagi School sooti thadaringei maheiroising thorakpagi saktam

Press Release:

Lamdam asida leiriba leingakki sotharaba mahei tamphamsangsing asibu phagatlaknaba Socialist Students’ Union Of Manipur (SSUM) na changsillakpagi saruk ama oina Kumbi High School da yengsin khongchat ama chatkhre.

      Kumbi High School da punna maheiroi 344 tamli. School asida non teaching 3 amadi leikaidagi school authority na nekpa oja 11 tharaga punna school asida oja 23 leiri. School asida SSUM gi thoumisingna thennarakpada, school gi floor ayamba kairamle. Bench amasung desk suna leiramdabata nattana leiramliba kaya adusu tekpa kaibana ayamba oiramkhi. Ojasingna maheiroisingbu yengsinbidaba amadi period suna changbidabana sooti thabagi matam youdringei maheiroising yumda hannaba thoklakpa thengnarakkhi.

      School asida tamliba maheiroisingna SSUM gi thoumisingda phongdorakpada, leingakna piba scheme sing matamchana pibiraktre. Lairiksing matamchana phanghandre. Mid-day-meal chang naina pijadre, hapta amada yamlabada ahumlak pijei. Karigumba kandanasu sukpi pijadaba yaowee. Oja mapung phana leitaba amadi areiba oja singgi maraktagisu chang naina class changbidabana period suna toubidare amadi class chang naina loubidare. Class changbinaba oja leitaba maramna school sooti thaba matam youdringeida yumda halle amasung Khudongchadaba kaya maiyoknahalle haina pendaba amaga loinana maheiroi shingna phongdokrakkhi.

      Amaromda oja shingna phongdorakpada, class I dagi X faoba leiba school asida class I dagi V phaobagi primary oja amaphaoba leitre. Oja sing suna school asida leingakna thabiraktaba maramna areiba oja shingna menkhatnaba hotnabada khudongchadaba kaya maiyoknare haina phongdorakkhi.

Matang asida maru oina lairaba maheiroi shinggidamakta leiriba SSUM na thamjaningba waphamdi maheiroi shingbu lairik takpi tambinaba leiriba ojashingna maheiroishingda lairik takpi tambidabagi thouwong asi SSUM na lumna loudaba ngamde. Asigumba thouwong asi makha tana toubidanba haijari.

      Amaromda Manipur Government na leingakki mahei tamphamshang kayabu yengshindaba amadi awat apashing menkhattabagi thouwong asi karamba makhalgi chatnabi, system amano? Kumbi High School asida class I dagi V ki maheiroishingbu lairik takpi tambinaba oja happidaba, school asida oja suna thamdaba amadi leingakna hanna yengdaba manba thouwong asidi hakchinna loudaba ngamde. Maram asina maru oina maheiroishingna thengnariba khudongchadaba kaya asi ubiduna awat apana thallaba leingakki mahei tamphamsang shingbu mari leinabasingna meetyeng changbiyu.

                                                                              Naorem Tanoranjan

                                                                             (Publicity Secretary)

                                                               Socialist Students' Union of Manipur, SSUM

 

                                              Read Facebook ➵  Click Here