United Naga Council (UNC) na NH ta Economic Blockade chathariba asi ngasiga tharaga hayeng phaoba (numit 2) gi manungda handoknaba SSUM na appeal touri. Masida UNC na chap chaba phajaba response piraktrabadi tang 15 dagi Socialist Students' Union of Manipur -SSUMamadi meeyamga loinana pullaga tampkakki mapham sinba thungna Counter Blockade chatharagani.
UNC na kouriba Blockade asina meeyamda achouba saphu ama piri amadi maheiroi kayada khudongchadaba kaya mayoknahalle. Maru oina tampakki maphamsingda thao (oil) phangdabadagi school gi van service pumnamak lepkhare. Masina houjik houjik parikhya thanaba matam asida van service lepkhibana maheiroi kayagi punsida saphu piba amadi chahi mangba yabagi khudongchadaba adu mayoknahalle. Socialist Students' Union of Manipur -SSUM di meeyamgidamak amadi maheiroi singgidamak yaiphanaba thorakpa lup ama oibana meeyam amadi maheiroisingna waraba, khudong chadraba matang/tangkakta tuminna yengduna khak leithokloi.
 |
| SSUM Publicity Sey. Naorem Tanoranjan Speaking to Media |
Maram asina meeyamgi amadi maheiroisinggi khudongchadaba asi uduna UNC na blockade ki khongjang changsilliba asi hantoknaba hairi. Karigumba hayeng phaobagi manugda handoktrabadi tang 15 dagi tampakki mapham sinba thungna Counter Blockade chatharagani.
Amaromda meeyamna amadi maheiroisingna asuk kanna wanaraba matam asida Manipur Government na tuminna khangsinnadana leisinba, election da oina luptuna leiba, meeyamgi awabasing asibu natheiduna thamba asi yamna mawong maril tadaba thouwong amani. Home Department su karigumba thabak amatta toudana leiba haibasina Government amadi Home Department leirubagi mathou tadare. Mathou touroidaba, meeyamgi yaiphanaba thabak touroidaba leiragadi lemna pham thadokpibana henna phagani. Tampakta leibakki oiba issue da khongjang changsinjaba maheiroi amadi meeyam phugiba, hatkhiba akan athou security personnel sing adu Government na NH singda thajinba keidouwi? Mathou touhalloidaba leirabadi karigidamak thamlibano?
Meeyamna kham thengna wariba kaya asi yaiphanaba, pot-chei phangnadriba kaya asi phangnaba amadi School van service sing leptuna leiriba asi thao (oil) pinaba government na thabak paikhatkadabani. Masida Govt. na tuminna leirabadi maduda thorakpa apha phattagi daita pumba Govt. na pugadabani. Aduga Oil Pump kharana meeyamda thao leitare hairaga khangna chanabada piba black ta thao yonhallaga meeyamdana thao leitare haina namthak touba, achan meerai naiba meetyeng yengliba amadi pot cheigi mamal henna yolliba asi toudanaba SSUM na khanghalli. Loinana lamdam asida leiriba, meeyamgidamak yaiphanabani haina leiriba CSO singnasu maram chadaba amadi apikpa issue amada meeyam pumba kham thengna wahangadaba thabak amatta toudanaba SSUM na appeal touri.
Loirakpada thamningliba waphamdi UNC na economic blockade touriba asi handokkadabani. Handoktrabadi Socialist Students' Union of Manipur -SSUM amadi meeyamga khutsamnaraga tampak sinba thungna counter blockade chatharagani. Loinana masida thorakpa apha phattagi daita pumnamak Manipur Govt. na pugadabani.
No comments:
Post a Comment